Компанийн мэдээлэл

“Саутгоби Ресорсез” дахин нэг захирлаа халлаа

2012-09-13

Хятадын төрийн өмчит компани “Чалко”-д Овооттолгойн ордын хувьцааг худалдах 926 сая долларын гэрээ бүтэлгүйтсэнээр “Саутгоби ресурс” компани удирдлагуудаа сольсон билээ. Компанийн шинэ Захирлуудын зөвлөлийн даргаар Кэй Пристлиг томилсон. Ерөнхий захирал Петр Мередит болон Гүйцэтгэх захирлууд болох Эдвард Флод, Роберт Хансон нарыг халж, Пьерр Лебел, Андре Дипвелл, Гордон Ланкастер, Александр Молине нар суудал дээрээ үлдээд байсан юм.

Өмнөх халаа сэлгээний үеэр албан тушаал дээрээ үлдсэн Гүйцэтгэх захирал /CEO/ Александр Молинейг өнөөдөр халсан байна. Түүний оронд Rio Tinto Coal Australia-ийн Маркетингийн ерөнхий менежер Рос Троманс томилогдлоо.

“Чалко” Овооттолгойг худалдаж авах саналаасаа татгалзсаны дараа “Саутгоби” компанийн хувьцаа 19 хувиар унаад байсан юм. Харин энэхүү халаа сэлгээнүүдийн дараа хувьцаа нь өсөх хандлагатай болжээ. Торонтогийн бирж дээрх хувьцаа нь 7 хувиар нэмэгдэж, 2.34 доллараар худалдаалагдаж байна.

Г.Батболд

СЭДЭВ

Ашигт малтмал

Эрдэс

Стратегийн орд

Дэд бүтэц

Судалгаа