Эрдэс баялаг уул уурхайн бирж “Miner & Supplier 2014” уул уурхайн ханган нийлүүлэлтийн форумыг 2014 оны гуравдугаар сарын 13, 14 нд Чингис хаан зочид буудалд зохион байгуулахаар болжээ. Уг форум нь Монгол улсын уул уурхайн ханган нийлүүлэлтийн салбарыг хамардаг цорын ганц арга хэмжээ гэдгээрээ онцлог юм. Жил ирэх тусам оролцогчдын хүрээг тэлж, уул уурхайн компаниудын хангамжийн асуудал эрхэлсэн шийдвэр гаргагч болон менежерүүдэд хүлээлт үүсгэдэг арга хэмжээнүүдийн нэг болжээ.
Энэ удаагийн форум нь дараах хэд хэдэн зорилгын хүрээнд зохиогдох болно. Үүнд: Улс орны нийгэм эдийн засагт оруулах хувь нэмрийг дээшлүүлэх, байгаль орчинд ээлтэй технологи, бүтээгдэхүүнийг түгээн дэлгэрүүлэх, ханган нийлүүлэгч болоод уул уурхайн бизнесмэнүүдийн хоорондын бизнесийн уялдаа харилцааг нэмэгдүүлэх зэрэг асуудлууд багтах ажээ.
Тус форумыг зохион байгуулагчдаас төлөөлөгчийн болон үзэсгэлэнгийн бүртгэлээ эхэлсэн бөгөөд 2 сарын 6 хүртэл “эртэч шувуу” тариф-аар бүртгэх багааа аж. Уул уурхайн бизнес эрхлэгч болон ханган нийлүүлэгчид дэлгэрэнгүй мэдээллийг www.minerandsupplier.com сайтаас авч болох юм байна.