“Занаду Майнз” Хармагтайн алт-зэсийн төслийг худалдаж авна

Австралийн хөрөнгийн биржид бүртгэлтэй “Занаду Майнз” болон Монгол дахь хамтрагч “Монгол Металс” компани Хармагтайн алт-зэсийн хайгуулын төслийн 90 хувийг худалдан авахаар болсон байна. Ингэхдээ “Turquoise Hill Resources” компаниас нийт 14 сая ам.доллараар худалдан авах тухай гэрээ байгуулжээ.

Төслийг худалдан авах эхний 4 сая ам.долларыг “Занаду Майнз” компани гаргах бөгөөд дараагийн 4 сая ам.долларыг зээл хэлбрээр гурван жилийн хугацаатай Хонконгт төвтэй “Noble Group” олгох юм. Харин үлдсэн 6 сая ам.долларыг 18 сарын хугацаанд төлөхөөр талууд тохиролцсон байна.      

Хармагтайн алт-зэсийн төслийг хэрэгжүүлснээр 30 хувийн агууламжтай баяжмал гарган авсан тохиолдолд борлуулалтыг  “Noble Group” хариуцах ажээ.

Э.Од