Олборлох үйлдвэрлэлийн ил тод байдлыг хэлэлцэнэ

Европын сэргээн босголт, хөгжлийн банк (ЕСБХБ)-наас санхүүжүүлэн Адам Смит Интернэйшнл байгууллагын хэрэгжүүлж буй  Олборлох үйлдвэрлэлийн ил тод байдлын сангийн  (ОҮИТБС) хэрэгжилтийг дэмжих төслийн хүрээн дэх зөвлөлдөх уулзалтыг  энэ сарын 18-нд  Улаанбаатар зочид буудалд зохион байгуулахаар болжээ.

Төр, аж ахуйн нэгж, иргэний нийгэм, хэвлэл мэдээллийн төлөөллүүд уг зөвлөлдөх уулзалтаар ОҮИТБС-ийн хэрэгжилт, түүн дотроо  шинэ стандартын хэрэгжилтийн талаар санал солилцож, нэгдсэн байр суурьтай болох эхлэлийг тавих зорилготой  аж.

Түүнчлэн  ОҮИТБС-ийн зорилго, зорилтыг танилцуулан  төрийн өмчит олборлох компани,    нөлөө бүхий хувьцаа эзэмшигчид, Гэрээний ил тод байдлын талаархи  мэдээллүүдийг   ил тод болгох талаар төлөөллүүд  саналаа илэрхийлэх юм байна.

Г.Идэр