”Тайшин девелопмент” Ус ашиглах гэрээ байгуулжээ

Төмрийн хүдрийн Эрээний төслийг эзэмшигч “Тайшин Девелопмент” компани Байгаль орчин, ногоон хөгжлийн яамтай Ус ашиглах гэрээ байгуулснаа мэдээлжээ. Гэрээ байгуулснаар жилд 1-1.2 сая тонн төмрийн хүдрийн баяжмал үйлдвэрлэхэд шаардлагатай усыг ашиглах боломжтой болж байгаа аж. Австралийн хөрөнгийн биржид бүртгэлтэй FeOre компани “Тайшин Девелопмент” компанийн 80%-ийг эзэмшдэг юм.

"Энэ бол Ereeny төслийн хөгжилд чухал ач холбогдолтой гэрээ бөгөөд бидний маш их хүчин чармайлтын үр дүн юм” хэмээн FeOre компанийн ТУЗ-ийн дарга, доктор Тим Sun хэлсэн байна.

Ereeny төмрийн хүдрийн төсөл нь Дундговь аймгийн Баянжаргалант сумын нутагт байрладаг. ЖОРК стандартаар дунджаар 37.3%-ийн төмрийн агуулгатай нийт 108.7 сая тонн төмрийн хүдрийн нөөцтэй. Үүнээс бодитой нөөц нь 57.3 сая тонн хүдэр юм.

С.Болд