Гурван зуун мянган ам. метр талбайг төсөөлөх гээд үзье. Энэ том талбайг дүүргэх гээд үзье. Бас үзэж сонирхоно гээд бод. Хэдэн өдөр зарцуулах бол.
Шанхай хотын Олон улсын ЭКСПО төвд (SNIEC) арваннэгдүгээр сарын 25-28-нд нээгдэх үзэсгэлэнгийн арга хэмжээ бүтээн байгуулалтын компаниудын анхаарлыг ихээхэн татаж байна. Барилгын машин механизм, барилга угсралтын тоног төхөөрөмжийн олон улсын үзэсгэлэн худалдаа Bauma China нээгдэх гэж байна. Уг арга хэмжээ Германы Мюнхен хотноо жил бүрийн хавар нээгддэг уламжлалтай. Уул уурхайн олборлолт, барилга байгууламжийн тоног төхөөрөмжийн Bauma Munich үзэсгэлэнгээс Mongolian Mining Journal сурвалжлага хийн уншигчдадаа хүргэж байсан.
Харин Европын Bauma энэ удаа Хятадын зах зээл дэх хэрэглэгчдэдээ ойртохоор зэхжээ. Шанхайн ЭКСПО-д барилга, аж үйлдвэрийн салбарын орчин үеийн бүхий л тоног төхөөрөмж, шинэ технологийг танилцуулна хэмээн зохион байгуулагчид онцолж байна.