“Эрдэнэс Монгол”-ын захирлаар Б.Бямбасайхан томилогдоно

“Эрдэнэс Монгол” компанийн Гүйцэтгэх захирлаар Б.Бямбасайханыг томилохоор болжээ. Засгийн газрын хуралдаанаар “Эрдэнэс Монгол” компанийн Гүйцэтгэх захирлыг чөлөөлж, томилох юм байна. Тус компанийн Гүйцэтгэх захирал О.Сайнбуян ажлаас чөлөөлөгдөх өргөдлөө Ерөнхий сайдад өгсөн бөгөөд уг томилгоо ойрын хугацаанд албажина хэмээн албаны эх сурвалж мэдээллээ.

О.Сайнбуян 2012 оны 11 дүгээр сард “Эрдэнэс Монгол” компанийн Гүйцэтгэх захирлаар Я.Долгоржавын оронд томилогдож байсан юм.

Б.Бямбасайхан нь “Нова Терра” компанийн Захирлаар ажиллаж байгаа, Монголын Бизнесийн Зөвлөлийн ТУЗ-ийн даргын сонгуульт ажилтай. Урьд нь “Ньюком” группын Гүйцэтгэх захирлаар ажиллаж байсан билээ.

С.Болд-Эрдэнэ