“Оюутолгой” компани 3 дугаар улирлын үйлдвэрлэлийн тайлангаа танилцууллаа

“Оюу толгой” компанийн Ерөнхийлөгч бөгөөд Гүйцэтгэх ерөнхий захирал Эндрью Вүдлэй “Оюутолгой компани өнгөрсөн улирлын амжилтдаа тулгуурлан, үйлдвэрлэлийн хэмжээг шинэ түвшинд хүргэлээ. 9 дүгээр сарын байдлаар экспортод гаргасан баяжмалын нийт хэмжээ 1.5 сая тоннд хүрч, энэ оны 2 дугаар сард нийт 1 сая тонн баяжмал ачсан амжилтаа улам батжуулж чадлаа. “Бид аюулгүй ажиллагаанд гол анхаарлаа хандуулан, зах зээл тогтворгүй энэ цаг үед өрсөлдөх чадвар, тогтвортой үйл ажиллагааг хангах зорилгоор бүтээмжээ дээшлүүлж ажиллаж байна. Үйл ажиллагааны үзүүлэлтүүд бидний стратеги амжилттай хэрэгжиж буйн нотолгоо болж байна.” хэмээн мэдэгдэлдээ онцлон тэмдэглэжээ.
 
2015 оны 3 дугаар улиралд өмнөх улирлаас 8.5%-иар илүү хүдэр олборлосон нь технологийн тээврийн замыг богиносгох, бүтээмжийг нэмэгдүүлэх үе шаттай арга хэмжээний үр дүн юм. Хүдрийн агуулгаас улбаалан баяжмал дахь зэсийн хэмжээ 1.3%-иар мөн өслөө. Алтны өндөр агуулгатай хэсгээс олборлолт хийх ажил бага зэрэг удааширснаас баяжмал дахь алтны агуулга өмнөх улирлаас 48.5%-иар буурчээ. Ил уурхайн өндөр агуулгатай хэсгээс олборлолт хийснээр зэс, алтны үйлдвэрлэл дараагийн улиралд өсөх таамагтай байна.  

“Туркойз хилл” компани энэ онд Оюутолгойгоос 175,000-195,000 тонн зэс, 600,000-700,000 унци алт үйлдвэрлэх төлвөө хэвээр хадгалж байгаа юм. Мөн тус компани зэсийн үйлдвэрлэл дээд түвшинд, алтны үйлдвэрлэл дунд түвшинд байхаар төлөвлөжээ. Энэ оны 8 дугаар сард Монгол улсын Эрдэс баялгийн мэргэжлийн зөвлөлд Оюутолгойн ТЭЗҮ-ийг хүлээлгэн өгсний зэрэгцээ далд уурхайн бэлтгэл ажлуудыг эхлүүлээд байна. Хөрөнгө оруулалтын зардлыг шинэчлэн тооцох ажил үргэлжилж буй бөгөөд 2016 оны 1 дүгээр улиралд дуусна. Далд уурхайн бэлтгэл ажилд: Захиалагчийн болон гол гэрээлэн гүйцэтгэгчийн багийг сонгон шалгаруулах, тооцооллыг нягтлах, нарийвчилсан инженерингийн тооцоолол, далд уурхайн хөндлөн нэвтрэлтийн ажлыг дахин эхлүүлэхэд эхний ээлжинд шаардагдах тоног төхөөрөмж, барааг худалдан авах зэрэг багтаж байгаа юм. “Туркойз хилл” компани Оюутолгойн далд уурхайн төслийн санхүүжилтийг 2015 онд багтаан эцэслэж, далд уурхайн бүтээн байгуулалтыг эхлүүлэх шийдвэрийг 2016 оны 2 дугаар улирлын эхэн үед гаргах төлвөө мөн хэвээр хадгалж байна.

 

	2014 оны 1-р улирал	2014 оны 2-р улирал	2014 оны 3-р улирал	2014 оны 4-р улирал	2015 оны 1-р улирал	2015 оны 2-р улирал	2015 оны 3-р улирал	2014 оны эхний 9 сар	2015 оны эхний 9 сар	2014 он бүтэн жилээр
Ил уурхайн нийт олборлосон хүдрийн материал /’000тонноор/	21,621	16,861	19,493	18,944	21,999	22,094	23,969	57,975	68,063	76,919
Боловсруулсан хүдэр /’000тонноор/	5,560	7,778	7,029	7,505	7,512	9,025	8,632	20,367	25,168	27,872
Бутлагч руу орох хүдрийн дундаж агуулга: Зэс/%/ Алт/г/т/ Мөнгө /г/т/	0.52 0.49 1.52	0.53 0.60 1.57	0.59 0.80 1.64	0.74 1.46 1.65	0.52 0.48 1.16	0.69 1.09 1.46	0.75 0.56 1.90	0.55 0.64 1.58	0.66 0.73 1.52	0.60 0.86 1.60
Үйлдвэрлэсэн	102.9	140.0	134.1	186.7	130.9	215.5	210.3	377.0	556.7	563.6
Баяжмалын дундаж агуулга /% зэс/	24.6	25.8	27.3	26.9	25.7	25.6	26.6	26.0	26.0	26.3
Нийт үйлдвэрлэсэн баяжмал дахь металлууд: Зэс /тонноор/ Алт /унциар/ Мөнгө/унциар/	25.3   66 163	36.2   113 229	36.6 132 216	50.3   278 286	33.6 86 184	55.3 238 297	56.0 123 388	98.2 311 608	144.9 446 869	148.4 589 893
Борлуулсан баяжмал /тонноор/	48.2	202.5	220.3	262.7	167.7	189.8	226.0	471.0	583.5	733.7
Борлуулсан баяжмал дахь металууд: Зэс /тонноор/ Алт /унциар/ Мөнгө/унциар/	13.1 28 78	51.6 126 309	53.6 144 323	67.6 263 383	42.1 200 219	46.3 177 250	58.2 200 334	118.3 298 710	146.5 577 798	185.8 561 1,093
Метал авалт % Зэс Алт Мөнгө	87.9 75.5 59.3	87.6 74.8 58.6	89.3 74.8 58.6	90.7 78.6 71.6	86.8 71.6 65.4	88.6 75.6 70.6	86.4 76.4 73.0	88.4 75.0 58.8	87.3 74.4 69.6	89.1 76.6 62.3