“Трансвест Монголиа” компани сургалт зохион байгуулав

Трансвест Монголиа ХХК өөрийн харилцагч нарынхаа дунд “Комацу” брэндийн сүүлийн үеийн техникийн ололт амжилт, давуу тал, ашиглалтын талаар тогтмол сургалт зохион байгуулдаг. Тус компани саяхан  техникийн ашиглалтын зардал, тооцоо болон шинэчлэгдсэн техникүүдийн талаархи сургалтдаа мэргэжлийн багш нарыг урьж, хичээл заажээ.

Уг сургалтад “Трансвест Монголиа” компанийн ТАМЗХ, ТАМАХ-ын инженер техникийн ажилтнууд болон засварчид, эдийн засагчид, хангамжийн ажилтнууд хамрагдсан байна.

Тус компани нь “Комацу”-гийн уул уурхай, зам барилгын тоног төхөөрөмж болон тус брэндийн баталгаат сэлбэг хэрэгсэл, эд ангиудыг үйлдвэрээс шууд ханган нийлүүлэх хүчин чадал бүхий Монгол дахь цорын ганц албан ёсны дистрибьютер юм.