Эрдсийг эрдэнэст
Ирээдүйг өндөр хөгжилд
Ирээдүйг өндөр хөгжилд
Mining The Resources
Minding the future
Minding the future
Өмнөговь аймагт орших коксжих нүүрсний Баруун Ноён уул ордод үйл ажиллагаа явуулж буй “Терра Энержи”-ийн толгой компани “TerraCom” энэ улиралд багтаан уурхайн олборлолтыг сэргээнэ гэдгээ мэдэгджээ. Одоогоор уурхайн нүүрсний овоолгоос ачилт хийж байгаа боловч олборлолтыг өнгөрсөн хоёрдугаар сараас хойш түр зогсоосон байдалтай байгаа юм. Нүүрсний овоолгыг бүрэн ачиж дуусмагц олборлолтын ажлаа дахин эхлүүлэх аж.
Тус компанийн хувьд хоёрдугаар улирлын байдлаар шинээр байгуулсан нийлүүлэлтийн сүлжээгээрээ дамжуулан 88 мянган тонн нүүрс Хятад руу экспортолжээ. Олборлолтоо зогсоосноос хойш тус компани шинэ нийлүүлэлтийн сүлжээтэй болсон бөгөөд Сэхээ боомт дээрх нүүрс угаах үйлдвэрт нүүрсээ боловсруулан Хятадын JISCO болон Haohai гангийн үйлдвэрүүд рүү нийлүүлж байна.
Хятадын зах зээлд нүүрсний үнэ тодорхой хэмжээгээр өссөн нь цаашид Баруун Ноён уулын ордынх шиг чанартай нүүрсний хувьд борлуулалтын таатай нөхцөл бүрдэх дохио өгч байна. Баруун Ноён уулын нүүрс нь Хятадын ган үйлдвэрлэгчдийн шаардлагад нийцдэг сайн чанартай түүхий эд болохыг TerraCom онцолжээ.
2014 оны 8 дугаар сард нүүрсний экспортыг нь эхлүүлсэн эл уурхайн нүүрсний ашигтай нөөц нь
19 сая тонн бөгөөд цаашид нөөцийн хэмжээ нэмэлт хайгуулаар ихсэх боломжтой юм.
Б.Төгс