Future Mongolia” үзэсгэлэн16-19-нд, Буянт-Ухаа цогцолбор

Монгол улсын Засгийн газрын дэмжлэгтэйгээр Германы машин үйлдвэрлэлийн холбоо /VDMA/ “Future Mongolia 2012” олон улсын анхдугаар үзэсгэлэн, хурлыг зохион байгуулах гэж байна. Монголын эдийн засгийн салбарын тогтвортой хөгжлийн төлөө гэсэн зорилго бүхий энэхүү арга хэмжээ 2012 оны тавдугаар сарын 16-19-нд Улаанбаатар хотноо Буянт-Ухаа цогцолборт болох юм. 

Зохион байгуулагч Германы VF Messen GmbH компанийн мэдэгдэж буйгаар, үзэсгэлэнд 120 үйлдвэрлэгч оролцож, бүтээгдэхүүнээ танилцуулах ажээ. Байгаль хамгаалал, цахилгаан эрчим хүч, зам тээвэр, барилга болон уул уурхайн салбар дахь хамгийн сүүлийн үеийн машин техник, технологийг үзэсгэлэнд дэлгэн тавих юм байна.