”Mining Journal Awards”уул уурхайн шилдгүүдийг шалгаруулах ёслол 7-нд, Blue Sky Tower

Уул уурхай, эдийн засгийн Mongolian Mining Journal сэтгүүлээс гурав дахь жилдээ уламжлал болгон зохион байгуулж буй Mining Journal Awards уул уурхайн шилдгүүдийг шалгаруулах ёслолын ажиллагаа эхэллээ. Энэ жил Уул уурхайн хариуцлагатай ажиллагаа номинацид “Шижир алт”, “Эрдэнэт Үйлдвэр”, “Энержи Ресурс”, “Шарын гол” компани өрсөлдсөнөөс Эрдэнэт Үйлдвэр шилдгээр тодроод байна.

Мөн Шилдэг технологи номинацид Катодын зэс, зэс утас болон бусад эцсийн бүтээгдэхүүн үйлдвэрлэгч Эрдмин компани шалгарлаа. Энэхүү номинацид салбарын компаниуд маш ширүүн өрсөлдсөн бөгөөд Элгэн, Энержи Ресурс, Эрдмин, Мэйжор Дриллинг, Фалкон Дриллинг, Шивээ Овоо, Бэрэн Майнинг, Бласт, Алтайн хүдэр зэрэг нийт есөн компани өрсөлдсөн юм.