Нүүрс экспортын гүйцэтгэл төлөвлөгөөнөөс давж биеллээ

Есдүгээр сарын 23-аас 29-ний өдрүүдэд өдөрт дунджаар 1304 автомашин, 363 чингэлэг тээвэр хийгдсэн байна. Тайлант хугацаанд 1,014.1 мян.тн нүүрс экспортод гарсан нь өмнөх оны мөн үеэс 214.5% буюу 2 дахин өсчээ. Оны эхнээс 18,807.2 мян.тн нүүрс гарснаар нүүрс экспорт өмнөх оны мөн үеийн хэмжээнээс 6,448.5 мян.тн-оор буюу 52%-ийн өсөлттэй байна. Ингэснээр нүүрс экспортын гүйцэтгэл төлөвлөгөөнөөс давж биеллээ. Оны эхнээс 1,091.2 мян.тн зэсийн баяжмал экспортолсон нь өнгөрөгч оны мөн үеэс 7%-ийн өсөлттэй байна. Төмрийн хүдэр, баяжмал оны эхнээс нийт 3,154.1 мян.тн-ыг экспортолсон нь өнгөрөгч оны мөн үеэс 47%-иар буурав. Төв банк оны эхнээс 9 сарын 29-ний өдрийн байдлаар 14.81 тонн алт худалдан авсан байна. Эрдэс бүтээгдэхүүний нийт экспорт дунджаар 73.4%-ийн гүйцэтгэлтэй, тухайлбал, нүүрс 104.5%, зэсийн баяжмал 90%, төмөр 62.4%, алт 74%, газрын тос 40.4%, цайр 106.8%, хайлуур жонш 36% тус тус байна.

                                                                                                                                                                                                          Эх сурвалж: УУХҮЯ