Ч.Сансар

Хятадын зэсийн экспорт өнгөрсөн сарын түүхэн дээд хэмжээнээс унаж, дотоодын худалдан авалт зэсийн ханш буурсантай холбоотой эрчимжлээ.

Өнгөрсөн Ням гаригийн гаалийн мэдээллээр боловсруулаагүй зэс, зэсийн бүтээгдэхүүний экспорт 6 дугаар сараас 40%-иар буурч, 140,940 тоннд хүрсэн байна. Гэсэн хэдий ч одоогийн экспорт өмнөх оныхоос бараг хоёр дахин их байгаа бөгөөд эхний долоон сарын хугацаанд гадагшаа гарсан зэс 2023 оноос 43%-иар өндөр байна.

Лондоны металлын биржээр хянадаг дэлхийн агуулахууд 5 дугаар сард зах зээлийн үнэ өссөний дараа Хятадын зэсээр дүүрсэн аж. Энэ нь дэлхийн зэсийн дийлэнх хэсгийг худалдан авдаг Хятадаас экспортлох ховор боломжийг нээж өгсөн билээ.

Хятадад эрэлт өсөхийн хэрээр экспорт дахин буурах магадлалтай.

Гэхдээ зах зээл маш мэдрэмтгий хэвээр байна. 7 дугаар сард Хятадын хайлуулах үйлдвэрүүд дэлхийд зэсийн баяжмалын нийлүүлэлт нэмэгдсэний улмаас олборлолтоо бууруулсан ч өнгөрсөн оны мөн үетэй харьцуулахад үйлдвэрлэл 6.7%-иар өссөн хэвээр байна. Үүний зэрэгцээ ногоон шилжилттэй холбоотой зэсийн худалдан авалт нэмэгдэж, үл хөдлөх хөрөнгийн зах зээлийн хямрал, үйлдвэрийн үйл ажиллагаа буурсан зэрэг нь эрэлтэд нөлөөлж байна.

Экспортын цонхны үеэр захиалсан зэсийг 7 дугаар сарын сүүл гэхэд бүгдийг нь ачуулсан. Тиймээс 8 дугаар сард экспорт цаашид буурна" гэж Galaxy Futures Co-ийн шинжээч Ван Йингин хэлэв. "Цахилгаан эрчим хүч дамжуулдаг компаниуд захиалгаа нэмэгдүүлснээр Хятадын эрэлт өнгөрсөн сараас нэмэгдсэн."

Лондоны металлын биржийн зэсийн үнэ 8 дугаар сарын 19-ны байдлаар 0.9%-иар өсөж, тонн нь 9201 ам.долларт хүрчээ. Бусад металлуудын үнэ бага зэрэг өсөж, цайрын ханш 0.9% нэмэгдсэн.

Эх сурвалж: mining.com