Ч. Сансар 

Cameco компанийн Казахстан дахь хамтарсан төсөл (JV Inkai LLP) нь ураны үйлдвэрлэлээ сэргээсэн тухай Казахстаны үндэсний ураны компани Казатомпром даваа гарагт мэдэгдэв.

Тус үйлдвэр нь Inkai ордын 1-р талбайд шаардлагатай зөвшөөрөл аваагүйн улмаас ажлаа энэ сарын 1-нд түр зогсоосон. Учир нь шаардлагатай бичиг баримтаа цаг хугацаанд нь бүрдүүлж өгөөгүйгээс болж зөвшөөрөл авах нь хойшилсон аж.

Тус хамтарсан үйлдвэрийн 40%-ийг Cameco компани, 60%-ийг Казатомпром эзэмшдэг. Энэ бол Төв Ази дахь хамгийн том ураны төсөл юм.

JV Inkai компани нь зөвшөөрлийн асуудлуудаа шийдвэрлэж, олборлолтоо сэргээсэн талаар Казатомпром-оос мэдээллээ. Үйлдвэрийг түр зур зогсоосон явдал нь 2025 оны төлөвлөгөөнд хэрхэн нөлөөлсөн байдлыг одоогоор үнэлж байна.

Харин Казатомпром 65-68.9 сая тонн ураны исэл (U3O8) олборлох төлөвлөгөөнд ямар нэгэн мэдэгдэхүйц нөлөө үзүүлэхгүй гэж мэдэгдэв. Энэ онд Inkai 9.3 сая фунт уран олборлохоор төлөвлөж байна. Энэ нь Казахстаны нийт үйлдвэрлэлийн 14%, Камекогийн 16% эзэлж байгаа.

Даваа гарагт Нью-Йоркийн бирж дээр Cameco-ийн хувьцааны үнэ 12%-иар буурч, нэг ширхэг нь 49.25 доллар болж, зах зээлийн үнэлгээ 21.4 тэрбум доллар хүрчээ.

Лондонгийн бирж дээр Казатомпромын хувьцааны үнэ 1.7%-иар буурч, нэг ширхэг хувьцаа нь 37.20 ам.долларт хүрсэн. Зах зээлийн үнэлгээ нь 10.2 тэрбум ам.доллар болсон байна.

Эх сурвалж: mining.com