Шинэ мэдээ
“Эрдэнэс Тавантолгой”-гоос гэрээгээ мөрдөхийг шаардав
Хятадын төрийн өмчит “Чалко” компани “Эрдэнэс Тавантолгой”-г нүүрсний нийлүүлэлтээ хэвээр үргэлжлүүлэхийг шаардсан тухай Блүмбэрг мэдээллээ. “Чалко” компанийн хувьд 250 сая ам.долларын нийлүүлэлтийн гэрээгээ хүндэтгэж ажиллахыг хүсч буйгаа онцолжээ.
Австрали, АНУ-ын нүүрс үнэд орж эхлэв
“Эрдэнэс Тавантолгой” компани нүүрсний экспортоо энэ сарын 11-нээс зогсоосон тухайгаа албан ёсоор мэдээлсэн билээ. Харин энэхүү мэдээ нь Австрали, Канад, АНУ-ын коксжих нүүрс нийлүүлэгчдэд сайнаар тусч эхлээд байна.
Southgobi Resources - 1878 - www.southgobi.com
Тус компанийн хуулийн зөвлөх Sarah Armstrong-ийг Монгол улсын Авилгатай тэмцэх газар шалгаж байсан юм. 12 дугаар сард түүнийг бүрэн шалгаж дууссан тул тэрээр эх орондоо буцах эрхтэй болсон талаар мэдэгджээ.
Bestway - 0718 - www.ilinkfin.netbestway
2012 оны 12 дугаар сард тус компани хагас жилийн тайлангаа гаргасан байна. 2012 оны 9 дүгээр сарын 30-нд дууссан хагас жилд тус компани 524,000 хонконг долларын борлуулалт хийсэн бол нийт цэвэр алдагдал нь 5.12 сая ХК долларт хүрсэн нь 2011 оны 9 дүгээр сарын 30-тай харьцуулахад 92.3 хувиар өссөн үзүүлэлт юм.
Aspire Mining Limited - AKM - www.aspiremininglimited.com
Aspire Mining Limited энэ сард Овооттолгой уурхай дээр үнэлгээ хийсэн байна. Нийт өнөөгийн үнэ цэнэ нь $1.7 тэрбум доллар болно. Энэ нь одоогийн эдийн засгийн ашигтайгаар олборлож болох нөөц буюу 219 сая тонн батлагдсан нөөц юм.
Mongolian Resource Corp Ltd - ASX:MUB
Компани CAML-ын Эрээн төслийг худалдаж авах гэрээг түр зогсоожээ. Компанийн мэдэгдсэнээр судалгааны ажил удаашралтай явж байгаа тул тохирсон хугацаандаа худалдан авах боломжгүй болсон байна.
Voyager Resources Limited - VOR - www.voyagerresources.net
Voyager Resources компани өрөмдлөгийн ажлаа эхэлсэн байна. Компанийн сүүлийн үеийн судалгаагаар томоохон хэмжээний үндсэн орд олох боломжтой байгаа билээ. Компани өвлийн улиралд ч судалгааны ажлаа үргэлжлүүлэн хийсээр байна гэж мэдэгджээ. Компани 12 дугаар сард шинэ мэдээлэл гаргаагүй байна.
XanaduMine Limited - XAM - www.xanadumines.com
XanaduMine Limited Шарчулуут Уул зэсийн орд дээр өрөмдлөгийн хөтөлбөр амжилттай хэрэгжүүлж дууссан байна. Мөн Амгалант ба Аргалант уул зэсийн төслүүд дээр соронзон хайгуулын ажил хийж дуусчээ.
Guildford Coal Limited - GUF - www.guildfordcoal.com.au
Компани Өмнөговь болон Дундговь аймагт нүүрсний лицензүүд эзэмшдэг. Монголд бүртгэлтэй дээрх нүүрсний лицензийг эзэмшдэг Терра Энержи компанийн 80 хувийг эзэмшдэг байсан бол 12 дугаар сард 100 хувь болгож нэмж худалдан авсан байна.
