Шинэ мэдээ
Голомт банкны АЛТНЫ ФОРУМ 2023 эхэллээ
Форумыг нээж Голомт банкны Гүйцэтгэх захирлын орлогч бөгөөд бизнес хариуцсан захирал Д.Бадрал нээж үг хэллээ. Тус арга хэмжээнд алт олборлогч аж ахуйн нэгжүүд, УУХҮЯ, Монгол банкны төлөөллүүд оролцон алтны салбарын тулгамдаж буй асуудлыг хэлэлцэх бөгөөд үдээс хойш хуралдаан ИРЭЭДҮЙН УУЛ УУРХАЙ БОЛОМЖ БА СОРИЛТ хэлэлцүүлэгээр үргэлжилнэ. Мөн уул уурхайн ханган нийлүүлэгч компаниудын техник тоног төхөөрөмжийн үзэсгэлэн Шангри-Ла зочид буудлын танхимд зохион байгуулагдаж байна.
“Сибирийн хүч-2” хийн хоолойн талаар энэ онд тохиролцоонд хүрэх боломжтой
“Сибирийн хүч-2” байгалийн хийн хоолойн асуудлаар Хятад, Орос хоёр энэ онд тохиролцоонд хүрч магадгүй гэж ОХУ-ын Ерөнхий сайдын орлогч Александр Новак мэдэгдлээ.
“Сибирийн хүч-2” хоолой нь ОХУ-аас Хятад руу жил бүр 50 тэрбум шоо метр байгалийн хийг Монгол Улсаар дамжуулан 2607 км зайд нийлүүлэх юм.
Дэлхийд сэргээгдэх эрчим хүч 2022 онд 9.6%-иар өсөж, дээд амжилт тогтоолоо
Олон улсын сэргээгдэх эрчим хүчний агентлаг (IRENA)-ийн мэдээлснээр 2022 оны эцэст дэлхийн сэргээгдэх эрчим хүч үйлдвэрлэх хүчин чадал 295 ГВт буюу 9.6%-иар өсөж, 3,372 гигаватт (ГВт) болсон.
Өнгөрсөн жил нэмэгдсэн нийт эрчим хүчний 83%-ийг сэргээгдэх эрчим хүч эзэлж байна. IRENA-аас гаргасан Сэргээгдэх эрчим хүчний 2023 оны статистик тоо баримтаас харахад олон улсын харилцааны тодорхойгүй байдлаас үл хамааран сэргээгдэх эрчим хүч түүхэн дээд хэмжээнд хүртэл өссөн нь чулуужсан түлшний хэрэглээ буурах хандлагыг үзүүлж байна.
“Энержи ресурс” ХХК-ийн экспортод гаргах нүүрсний цахим арилжаа явагдлаа
Экспортод гаргах нүүрсний цахим арилжаа /2023-03-22/ явагдаж, “Энержи Ресурс” ХХК-ийн экспортод гаргах 5 багц буюу нийт 32,000 тонн баяжуулсан коксжих нүүрсийг дуудлага арилжаагаар арилжлаа. Энэхүү арилжаанд 4 компани оролцсон бөгөөд дуудах үнэ 1250 юанаас 13.6 хувь өсөж 1420 юань хүрлээ.
Ирэх онд нүүрсний хэрэглээ дээд цэгтээ хүрэх төлөвтэй байна
Дэлхийн эдийн засгийн өсөлт, цаг уурын өөрчлөлтийн нөлөөгөөр улс орнуудын баримталж буй стратегийн бодлого илүү цэвэр эрчим хүч рүү чиглэж байна. Гэвч ирэх жил дэлхийн нүүрсний хэрэглээ дээд цэгтээ хүрнэ. Харин гарч ирэх гэнэтийн хэд хэдэн нөхцөл байдлын улмаас дэлхийн улс орнууд чулуужсан түлшийг хэр удаан ашиглах нь нөлөөлж магадгүй гэж BloombergNEF мэдээлэв.
ГЕГ: Он гарсаар эрдэс бүтээгдэхүүний экспорт нийт экспортын 84 хувийг эзэлж байна
Гаалийн ерөнхий газрын Статистик, дүн шинжилгээний хэлтсээс 2023 он гарснаас хойш гуравдугаар сарын 20-ны байдлаар барааны экспорт, импортын мэдээг өнөөдөр өглөө.
Он гарсаар улсын хэмжээнд гадаад худалдааны нийт бараа эргэлт 4.8 тэрбум ам.долларт хүрч, өнгөрсөн оны мөн үеэс 56.3 хувиар буюу 1.7 тэрбум ам.доллараар өссөн байна. Үүнд, экспорт 1.5 тэрбум ам.доллараар, импорт 0.2 тэрбум ам.доллараар өсжээ.
Н.Нарангэрэл: Алтанбулаг боомтын бүтээн байгуулалтын ажлын явц 65 хувьтай байна
ГЕГ-ын Боомтын үйлчилгээний хэлтсийн гаалийн улсын байцаагч Н.Нарангэрэл боомтуудын өргөтгөл, шинэчлэлийн ажлын явцын талаар өнөөдөр /2023.03.21/ мэдээлэл өглөө.
Засгийн газраас хэрэгжүүлж буй Хилийн боомтын сэргэлтийн бодлогын хүрээнд Азийн хөгжлийн банкны хөнгөлөлттэй зээлээр ОХУ-тай хиллэдэг Боршоо, Бичигт, Алтанбулаг боомтыг, БНХАУ-ын Засгийн газрын буцалтгүй тусламжаар Замын-Үүд, Гашуунсухайт боомтыг олон улсын жишигт нийцүүлэн өргөтгөн, шинэчлэх ажлыг эхлүүлсэн.
Хамтын ажиллагааны “Санамж бичиг”-ийг үзэглэлээ
“Оюутолгой” компани Монголын ажил олгогч эздийн нэгдсэн холбоотой хамтран ажиллана. Тэд өнөөдөр “Санамж бичиг”-т гарын үсэг зурж баталгаажууллаа. Талууд уулзах үеэр Оюутолгойн төслийнхөн аюулгүй ажиллагааны зааварчилгаатай танилцуулахын сацуу мод хэрхэн тарьж, ургуулж буй богино хэмжээний бичлэг үзүүлэв.
Африкийн алтны уурхайд зэвсэгт этгээдүүд халдаж, хятад иргэд амиа алджээ
Төв Африкийн Бүгд Найрамдах Улс (ТАБНУ) дахь БНХАУ-ын Элчин сайдын яам нийслэл Бангуй хотоос гадна байрладаг алтны уурхайд зэвсэгт этгээдүүдийн халдлагад өртөн есөн хятад иргэн амиа алдсаны дараа иргэддээ хандан нийслэл Бангуй хотоос гадагш зорчихгүй байхыг уриалав.
Элчин сайдын яамнаас ням гарагт хийсэн мэдэгдэлдээ тус бүс нутагт гадаадын уурхайн ажилчдын аюулгүй байдалд заналхийлсэн олон хэрэг гарсан бөгөөд Бангуй хотын гадна байгаа хятад иргэдийг нэн даруй аюулгүй бүс рүү нүүхийг хүссэн байна.
ОЮУ ТОЛГОЙН эрчим хүчний хэрэглээ
Монгол Улсын эрчим хүчний нэгдсэн сүлжээнээс Оюу Толгой уурхайг урт хугацаанд “Цахилгаан эрчим хүчээр хангах гэрээ”-г 2022 онд байгуулсан билээ. 450 МВт-ын хүчин чадалтай “Тавантолгойн дулааны цахилгаан станц”-ыг төр өөрөө бүтээн байгуулах шийдвэр гаргаж, хэрэгжүүлэн ажиллаж байгаа бөгөөд ТТДЦС ашиглалтад орсноор Оюу Толгой уурхайн БНХАУ-ын Өвөр Монголын Өөртөө Засах Орны эрчим хүчний системээс авч буй импортын цахилгаан эрчим хүчийг орлох болно. Мөн гүний уурхайн ажилтнуудын амь нас, эрүүл мэнд, аюулгүй байдлыг баталгаажуулах, гүний уурхайн үйл ажиллагааг урт хугацаанд тогтвортой үргэлжлүүлэх нөхцөлийг бүрдүүлэх нь Монгол Улсын эдийн засгийн хувьд онцгой ач холбогдолтой юм.
Төрийн өмчит компаниудын захирлуудын урамшуулал ба авлигын эрсдэл
Монгол Улсын Засгийн газрын ХЭГ-ын дарга Д.Амарбаясгаланд Авлигатай тэмцэх газраас нэгэн зөвлөмж хүргүүлжээ. Зөвлөмжийн утга нь, уул уурхайн төрийн өмчит компаниудын гүйцэтгэх удирдлагын ажлын үр дүнг тооцох, урамшуулал олгох аргачлалдаа валютын болон олон улсын зах зээл дээрх түүхий эдийн ханшийн өөрчлөлтийг нэмж тооцдог болохыг анхааруулж. Зөвлөмжийн хувийг УУХҮЯ, Төрийн өмчийн бодлого зохицуулалтын газар /ТӨБЗГ/-ын дарга Б.Цэнгэл, “Эрдэнэс Монгол” ХХК-д мөн хүргүүлжээ.
Банкны хямрал намжиж, зэсийн үнэ өслөө
Нью-Йоркийн Comex зах зээл дээр тавдугаар сард нийлүүлэх зэсийн үнэ пүрэв гарагаас 2.3%-иар өсч, нэг фунт нь 3.95 ам.долларт (тонн нь 8690 ам.доллар) хүрсэн байна.
Томоохон бүлэг банкууд АНУ-ын First Republic Bank-ны санхүүжилт нэмэгдэж, Швейцарийн Үндэсний банк Credit Suisse банкинд санхүүгийн тусламж үзүүлж байгаа тухай мэдээг хөрөнгө оруулагчид талархан хүлээж авлаа.
“Эрдэнэс Тавантолгой” ХК нэг тонн нүүрсийг 182.1 ам.доллараар худалдлаа
“Эрдэнэс Тавантолгой” ХК гуравдугаар сарын 17-ны өдөр нүүрсний ээлжит цахим арилжааг амжилттай зохион байгуулжээ.
Энэ удаагийн цахим арилжаанд БНХАУ-ын Xianjiade Energy resources International, “Shuangquan Energy, Wangjin Energy зэрэг гурван компани оролцож нэг тонн нүүрсийг 178,6 ам.доллароос дуудаж 182,1 ам.доллароор арилжсан байна.
Өргөн зурвасын сүлжээний холболтын шийдлийн дэлхийн тэргүүлэгч брэнд RADWIN Монголд
Уул уурхайд өндөр хурдны өргөн зурвасын утасгүй сүлжээний шийдлүүдийг нийлүүлэгч дэлхийд тэргүүлэгч брэнд RADWIN, Монгол дахь албан ёсны дистрибютор болох “PAI Matrix” компанитай хамтран “PAI-SMARTECH” арга хэмжээг 3-р сарын 28-ны өдөр “Blue Sky” зочид буудалд зохион байгуулах гэж байна. Энэхүү арга хэмжээний үеэр уул уурхай болон уул уурхайн техник нийлүүлэгч компаниудад түвэгшил ихтэй системүүдийн сүлжээний тусгай шийдлүүдийг танилцуулах болно.
Ойрхи Дорнод ногоон устөрөгчийн зах зээлд ноёрхохыг эрмэлзэж байна
Ойрхи Дорнодын олон улс орон газрын тос, байгалийн хий олборлож, борлуулж байгаа ч тус бүс нутгийн хэд хэдэн улс сэргээгдэх эрчим хүчний салбарт их хэмжээний хөрөнгө оруулж байна. Саудын Араб, Арабын Нэгдсэн Эмират (АНЭУ) зэрэг олон орны хувьд газрын тос, байгалийн хий нь эдийн засгаа дэмжих, Үндэсний баялгийн сангаа арвижуулах орлогын гол эх үүсвэр хэвээр байна.
Койн ба мөнгөний бодлого
Хүмүүсийг өөрсдөөр нь үйлдэл хийлгэх шалгарсан хоёр арга байдаг. Эхнийх нь урам зоригийг нь өдөөх юм уу, тодорхой алхам хийснийх нь төлөө шагнал амлах. Нөгөөх нь айдас түгшүүрээр нь удирдах буюу шийтгэл ногдуулах. Койнд хөрөнгө оруулагчдын хувьд аль аль нь нөлөөлсөн. Нэгдүгээрт, итгэж авч дарсан койн нь хэдэнтэй өсөж том ашиг хийнэ гэх цайлган хүлээлт.
Хятад улс Австралийн нүүрсний импортод тавьсан бүх хоригоо цуцаллаа
Хятад улс дотоодын бүх компаниуддаа Австралиас нүүрс импортлохыг зөвшөөрч байгаа нь 2020 оны сүүлээр тогтоосон худалдааны хязгаарлалт зогсож байгаагийн дохио юм.
Мөн далайн боомт, гаалийн албад Австралиас ачаа тээвэр нэвтрүүлэхийг зөвшөөрч эхэлсэн байна. Энэ оны эхээр Хятадын эрх баригчид томоохон дөрвөн импортлогч компанид Австралиас нүүрс худалдаж авах зөвшөөрөл олгосон.
