Өмнөговийн гурван сум эрчим хүчээр хангагдаагүй байна

Оюутолгойг эрчим хүчээр хангахын тулд эхний ээлжинд хоёр сумыг эрчим хүчинд холбоно гэж ярьж байна. Танай аймагт гэрэл цахилгаангүй хэчнээн сум байна. Ийм сумдыг Оюутолгойгоор дамжуулаад эрчмийн эх үүсвэрт холбох боломж бий юү?

Манлай, Ханбогд, Баян-Овоо сум эрчим хүчинд холбогдоогүй байгаа. Энэ гурван сум Оюутолгойтой ойролцоо байрлалтай. Тийм учраас энэ гурван сумыг Оюутолгойн шугамд дамжуулан холбох юм бол манай аймаг цахилгаанаар бүрэн хангагдчих  боломжтой. Ингэвэл орон нутагт нэг том ач тус болох юм.

“Оюутолгой“ төсөл  орон нутагт өөр ямар байдлаар ашиг тусаа өгч байна вэ?

Янз бүрийн тэтгэлэгт хөтөлбөр, сургалтууд явуулдаг. Оюутолгойгоос Өмнөговийнхон юу хүлээж байна вэ гэхээр дэд бүтэц, зам, эрчим хүчний асуудлууд дээр л голлон анхаарч өгвөл Өмнөговийн хэмжээнд ирээдүйн сайхан үр дүн гарах юм.