Мэдээ

Айвенхоу-гийн захирлууд хамгийн өндөр цалинтай

2012-06-18

Канадын компаниудын хамгийн өндөр цалинтай 100 захирлын жагсаалтыг саяхан “Vancouver Sun” хэвлэл гаргажээ. Үүний эхний гурван байрыг “Айвенхоу Майнз” компанийн гурван удирдах ажилтан тэргүүлжээ. Бидний сайн мэдэх, дөнгөж саяхан Айвенхоу-гийн ТУЗ-ийн тэргүүний суудлаа хүлээлгэн өгсөн Роберт Фридланд 2011 онд 12.6 сая долларын цалин орлоготой ажилласан үзүүлэлтээрээ гуравдугаар байранд жагсчээ. Тус компанийн Ерөнхийлөгчийн үүргийг гүйцэтгэж байсан Жон Маккен 23.3 сая долларын орлогоороо нэгдүгээрт оржээ. Харин тус компанийн тэргүүн Петер Мередит 14 сая долларын орлогоор Фридландын өмнө оржээ.

“Айвенхоу Майнз” компанийн 51 хувийг Рио Тинто эзэмшихийн сацуу, төслийн нэг, хоёрдугаар үе шатыг ашиглалтад оруулахад шаардлагатай нэмэлт санхүүжилтийг хариуцахаар болсныг өнгөрсөн дөрөвдүгээр сард хоёр тал мэдээлсэн билээ. Энэ үеэр Айвенхоу-гийн захирлуудын зөвлөлийн 6 гишүүнийг суудлаас нь чөлөөлсний дунд дээрх гурван удирдах ажилтан мөн багтсан юм.

Б.Төгс

СЭДЭВ

Ашигт малтмал

Эрдэс

Стратегийн орд

Дэд бүтэц

Судалгаа