Ирэх жил Улаанбаатарт зохион байгуулагдах уул уурхайн бүх төрлийн арга хэмжээний дэлгэрэнгүй хуанли The Mongolian Mining Journal-ийн шинэ дугаарт хэвлэгдлээ. Түүнчлэн, Монголын уул уурхайн салбарын хөрөнгө оруулалт, ханган нийлүүлэлттэй холбоотойгоор хилийн чанадад нээгдэх олон улсын арга хэмжээнүүдийн танилцуулга, холбогдох мэдээллийг уншигчдадаа зориулан дэлгэрэнгүй нийтлэв. Эдгээр арга хэмжээнүүдэд тус сэтгүүлийн Редакци нь уламжлал ёсоор Мэдээллийн түнш байгууллагаар ажиллана.
2014 онд манай улсын экспортын гол эрдсүүдийн үнэ ханш ямар байх вэ? Олон улсын судалгааны нэр хүндтэй байгууллагуудын дэвшүүлсэн таамаглалыг харьцуулан хараарай. Үнэ ханшийн өөдрөг төсөөлөл гаргаж буй шинжээчид ба “муу амласан” судалгааны байгууллагуудын үндэслэлийг харьцуулсан бүх төрлийн статистик мэдээллийг хүлээн авна уу.
Мөн, ирэх жилийн эдийн засгийн анализд “Их зээлжилтийн жил болно” хэмээн тодорхойлжээ. Самурай бондын эхний хэсэг хэзээ орж ирсэн болон 2014 онд Япон, Хятад улсаас авах бусад зээлийн талаар шинэ мэдээлэл хэвлэгдэв. Ашигт малтмалын нөөцийн үнэлгээг манай улс олон улсын стандартаар хийж эхэлнэ. Үнэлгээний Жорк аргачлалын тухай сонирхолтой материалыг уншина уу.
The Mongolian Mining Journal –ийн 2013 оны дугааруудыг эрхэм уншигч Та манай “фото галарей” дээр харж байна. Өнгөрч буй жилийн хамгийн сонирхолтой “COVER”-ийг нэрлэнэ үү. Тус сэтгүүлийн сар тутмын хавтасны зураг болон Cover Story-гоос манай орны эдийн засаг, уул уурхайн нэгэн жилийн үйл явдлын хэмнэлийг харж болох билээ. Уншигч Та хамгийн таалагдсан COVER-ийг сонгон, @MMJhugjil твийт хаягаар орж, favorit товчийг дарна уу. Энэхүү бичил санал асуулга нь өнгөрч байгаа оны үйл явдлуудаас онцгойг нь ялган тодруулах боломж олгох юм.
The Mongolian Mining Journal-ийн Редакц эрхэм уншигчид, байнгын харилцагчдадаа Шинэ оны мэндчилгээ дэвшүүлэн, амжилтын дээдийг ерөөж байна. Уншигч Танд энэ онд барьсан бидний нэг бэлэг нь сэтгүүлийг таблет дээр унших боломжтой болсон явдал юм. Өөрийн Редакцидаа таблет хувилбараа бие даан хийж эхэлсэн Монголын анхны хэвлэл болсондоо бид баяртай байна. Сэтгүүлийн шинэ дугаараар хязгаарлалгүй, тус Редакцид бэлтгэдэг бүх төрлийн видео дүрсүүдээр мэдээлэл, сурвалжлагаа баяжуулан AppStore-т оруулж байгаагаараа онцлог юм. Үндэсний сэтгүүл зүйн 100 жилийн ой тохиосон энэ түүхэн жилд The Mongolian Mining Journal нь дижитал контент ба дата сэтгүүл зүйн цоо шинэ орчинд ийнхүү эхний алхмаа хийсэн билээ.
The Mongolian Mining Journal –ийн 2013 оны дугааруудыг эрхэм уншигч Та манай “фото галарей” дээр харж байна. Өнгөрч буй жилийн хамгийн сонирхолтой “COVER”-ийг нэрлэнэ үү. Тус сэтгүүлийн сар тутмын хавтасны зураг болон Cover Story-гоос манай орны эдийн засаг, уул уурхайн нэгэн жилийн үйл явдлын хэмнэлийг харж болох билээ. Уншигч Та хамгийн таалагдсан COVER-ийг сонгон, @MMJhugjil твийт хаягаар орж, favorit товчийг дарна уу. Энэхүү бичил санал асуулга нь өнгөрч байгаа оны үйл явдлуудаас онцгойг нь ялган тодруулах боломж олгох юм.