Хятадын гангийн үйлдвэрлэл 7.5%-иар өсчээ

Дэлхийн гангийн үйлдвэрлэл өнгөрсөн онд 1 тэрбум 607 сая тоннд хүрч, өнгөрсөн оныхоос 3.5%-иар өслөө хэмээн Дэлхийн гангийн холбооноос мэдээлжээ. Энэхүү өсөлтийн суурь нь Ази болон Ойрхи Дорнод болсон бөгөөд Европ, Америкийн үйлдвэрлэл буурсан байна.

Азийн төмрийн үйлдвэрлэл 1 тэрбум 80 сая тоннд хүрч, өнгөрсөн оныхоос 6%-иар өсчээ. Хятадын гангийн үйлдвэрлэл 779 сая тоннд хүрсэн байна. Өнгөрсөн оныхоос 7.5%-иар өссөн үзүүлэлт бөгөөд дэлхийн гангийн үйлдвэрлэлийн 48.5%-ийг эзэлж байгаа аж. Японы үйлдвэрлэл 3.1%-иар өсч, 110.6 сая тоннд хүрсэн бол Энэтхэг 5.1%-иар өсч 81.1 сая тонн болжээ.

Харин Өмнөд Солонгосын үйлдвэрлэл 60 сая тонн болж 4.4%-иар буурчээ. Европын холбооны үйлдвэрлэл 1.8%-иар буурч, 165.6 сая тонн болсон бол Хойд Америкийнх 1.9%-иар буурч 119.3 сая тонн болсон байна.

С.Болд