Герман улсын Ерөнхийлөгч Монголд айлчилна

Улаанбаатар хотноо Герман-Монголын бизнесийн хамтын ажиллагааны  7 хоног болж байна. Энэ хүрээнд өнөөдөр “Made in Germany” үзэсгэлэн Шангри-Ла зочид буудалд нээгдлээ. Хоёр өдрийн турш үргэлжлэх тус арга хэмжээнд Монгол, Германы нийт 35 компани бараа бүтээгдэхүүн, үйл ажиллагаагаа танилцуулж байна.

Үзэсгэлэнгийн арга хэмжээний 2 дахь өдөр буюу 14-нд хоёр улсын Эдийн засгийн хороодын “Ашигт малтмал, технологи аж үйлдвэрийн салбарт хэрхэн хамтран ажиллах вэ?” сэдэвт хуралдаан зохион байгуулагдахаар төлөвлөгджээ.
 
Пүрэв гаригт буюу 15-ны өдөр Герман улсын Ерөнхийлөгч Йоахим Гаук  Монгол улс дахь албан ёсны айлчлал эхлэх юм. Мөн энэ өдөр Герман-Монгол хоёр орны Засгийн газар хоорондын аж үйлдвэр, технологийн салбарт 2011 онд ХБНГУ-ын канцлер Ангела Меркелийн айлчлалын үеэр зурагдсан хэлэлцээрийн ажлын хэсэг хуралдахаар төлөвлөгджээ.

Э.Од