Хятадад төмрийн хүдрийн үнэ буурав

Энэ долоо хоногийн мягмар гаригийн байдлаар Хятадын Даляны түүхий эдийн бирж дээр төмрийн хүдрийн үнэ 4,2%-иар буурч, тонн тутамд 355,5 юань буюу 53,8 ам.долларт хүрсэн байна. Бусад түүхий эдийн үнийн хувьд мөн буурсан бөгөөд коксжих нүүрсний үнэ 4,2% -иар бууран, 1 тонн нь 645 юаниар худалдаалагджээ.

Тэгвэл Хятадын Тянжины боомт дээр төмрийн 62%-ийн агуулгатай хүдрийн үнэ 0,6%-иар доошилж 51,80 ам.долларт хүрсэн аж.

Тус улсын Үндэсний статистикийн хорооны мэдээллээр тавдугаар сард Хятадын гангийн үйлдвэрлэл 1,8%-ийн өсөлттэй гарч 70,5 сая тоннд хүрсэн байна.
 
Э.Од