Хурал чуулган

Монголд цөмийн технологи хэрэглэх өргөн боломж бий

2020-12-18

Г.Идэрхангай

“Цөмийн технологи Монгол Улсын хөгжилд” үндэсний семинарын /2020.11.06/ үеэр Монгол Улс болон дэлхий дахинд цөмийн техник, технологийн өнөөгийн ашиглалтын явц, байдлын талаар эрдэмтэн, судлаачид илүүтэй хөндөн ярилцсан юм. Цөмийн энергийн комиссын Ажлын алба, Монгол Улсын Их Сургуультай хамтран тус сургуулийн дугуй танхимд зохион байгуулсан үндэсний семинарт салбарын тэргүүлэх эрдэмтэд олноор уригдан оролцов.
Цөмийн энергийн комиссын Ажлын албаны Цөмийн технологийн бодлогын газрын дарга М.Чадраабал “Монгол Улс бусад улс орны адил цөмийн технологийг нэлээд өргөн хэмжээнд ашиглаж байна. Уур амьсгалын өөрчлөлтөд цөмийн технологийн хэрэглээ нэмэгдсээр байна. Гэхдээ Монгол Улсад тулгамдаж байгаа асуудал бол судалгаатай холбоотой материаллаг баазын хүндрэл. Өндөр өртөгтэй, урт хугацааны менежмент шаардах багажууд шаардлагатай. Үүнийг Монгол Улсад нэвтрүүлбэл томоохон дэвшил болно” хэмээн хурлын эхэнд тодотголоо.

Монгол Улс 1956 онд Цөмийн шинжилгээний нэгдсэн институтийг байгуулан цөмийн шинжлэх ухаан, технологийг хөгжүүлж, нийгэм эдийн засгийн олон салбарт нэвтрүүлэх эхлэлийг тавьжээ.

цөмийн техник, технологийг хөгжүүлж, улс орны бүтээн байгуулалтад оруулсан эрдэмтдийн хувь нэмрийг хуралд оролцогчид онцлон тэмдэглэж байв. Тухайлбал, 1977 онд уулын баяжуулах “Эрдэнэт” үйлдвэрийн баяжмалд мөнгөний агуулгыг нарийвчлан тогтоож, экспортын орлогыг үлэмж нэмэгдүүлсэн туршлага бий.

Улс орон аж үйлдвэржихийн хэрээр цөмийн технологийн хэрэглээ нэмэгдсээр байна. Газрын тосны боловсруулах үйлдвэр, Дулааны цахилгаан станц, ган боловсруулах үйлдвэр, зэс хайлуулах үйлдвэр гээд томоохон үйлдвэрүүдэд цөмийн технологийг өргөн ашиглах цаг ирж байгааг эрдэмтэд илтгэлдээ дурдлаа.

Улсын нэгдүгээр төв эмнэлгийн Цөмийн онош зүйн тасгийн эрхлэгч Б.Энхтуяа цөмийн анагаах ухаанд ашиглаж буй технологийн талаар мэдээллийг өгсөн юм. Тэрээр, цөмийн оношлогоо эд эс, молекулын түвшинд хүрч үйлчилдэг. Эсийг бүтцийн өөрчлөлтөд ороод хавдар болж хүндрэхээс өмнө илрүүлж оношлох боломжтой” гэв.

Цөмийн технологийг Монгол Улсад өргөн хэрэглэх боломж нээгдэж байгааг Герман-Монголын технологийн сургуулийн багш, профессор С.Лодойсамба илтгэлдээ дурдсан. Тэрээр агаарын бохирдлыг бууруулахад уг технологи нэн шаардлагатай гээд “Цөмийн физикийн аргаар агаарын бохирдлыг бууруулдаг аргууд бий. Азотын давхар исэл, хүхрийн давхар исэл зэрэг хортой хийг утааны янданд цөмийн цацрагаар шарж бууруулдаг арга бий” гэлээ.

Семинарын үеэр эрдэмтэд ураны хүдэр олборлох, боловсруулах явц болон шар нунтгийг хувиргах талаар сонирхолтой мэдээллийг өгч байв.

Уран нь дэлхийн царцдас, далай тэнгис, гол мөрөнд оршдог цацраг идэвхт металл бөгөөд хүний биед өчүүхэн хэмжээгээр агуулагддаг аж.

Ураны үндсэн хэрэглээ нь эрчим хүч үйлдвэрлэхэд оршдог. Ураны агуулга бага, элсэн чулуунд агуулагдах ордыг газрын дор уусган олборлох аргаар олборлоход илүү тохиромжтой гэдгийг эрдэмтэд хэлж байна.

Сэтгэгдэл (1)

DR. PRADHAN (197.210.65.69)

БҮГДЭЭРЭЭ САЙН УУ!!!!!Бид олон нийтэд мэдээлэхийг хүсч байна;Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802.имэйл: DR.PRADHAN.UROLOGIST.LT.COL@GMAIL.COMYнэ: $780, 000 (Долоон зуун, Наян мянган доллар) Намайг ТУНГАЛАГ гэдэг би Монгол гаралтай. Би 1 бөөрөө Монголд яаж зарж баяжсан, би ядуу, эр хүн байсан тухай интернэтэд прадхан сурталчилгаатай тааралдаж байхдаа интернетэд Праданы эмч нарын имэйлээр дамжуулан өргөдөл гаргаад, дэлхий дахинд гэрчлэлээ хуваалцмаар байна. тэдний хандивлагч. Би тэдний эмнэлэгт 1 бөөрөө мөнгөний төлөө хандивласан бөгөөд хандив өгсний дараа ч эрүүл саруул хэвээр байна. Тэд надад бөөрнийхөө төлөө 780,000 доллар төлсөн. Одоо би бөөрөнд төлсөн 780,000 доллараар өөрийн компанийг байгуулж, би баян, аз жаргалтай хүн болжээ. Хэрэв та санхүүгийн бэрхшээл / бэрхшээлийг даван туулж байгаа эсвэл баян байхыг хүсч байвал имэйлээр холбоо барина уу: DR.PRADHAN.UROLOGIST.LT.COL@GMAIL.COM.

2021 оны 06 сарын 06 | Хариулах

СЭДЭВ

Ашигт малтмал

Эрдэс

Стратегийн орд

Дэд бүтэц

Судалгаа