Алтан ширээт үйлдвэрлэл, технологийн парк 2025 онд ашиглалтад орно

“Болдтөмөр Ерөө гол” ХХК нь Дорноговь аймгийн Алтанширээ сумын нутагт “Алтан ширээт үйлдвэрлэл, технологийн парк” байгуулах төслийг 2019-2025 онд хэрэгжүүлэхээр ажиллаж байна. 

Нийт 140 га талбайд төмрийн хүдрийн нойтон баяжуулах үйлдвэр, нүүрс угаах үйлдвэр, коксын үйлдвэр, төмрийн хүдрийн хорголжийн гэх мэт дагалдах үйлдвэрүүд бүхий жилд 500 мянган тонн ширэм үйлдвэрлэх хүчин чадалтай үйлдвэрийг 2025 онд ашиглалтад оруулахаар ажиллаж байна.

2019-2021 ОНД ХИЙГДСЭН АЖИЛ

Дэд бүтэц:

-110/10 кВт-ын 9,4 км цахилгаан дамжуулах агаарын шугам

-6,3 MВт-ын цахилгааны дэд станц

-12 км төмөр зам

-Гүний усны 2 цооног /зөвхөн баяжуулах үйлдвэрийг хангана/

-Паркийн усан хангамжийг шийдэх зорилгоор Бор хөөвөр болон Долоодын говиос гүний ус дамжуулах 103 км урттай шугамын трассын зураглал хийсэн.

-Төмрийн хүдрийн нойтон баяжуулах үйлдвэрийн ТЭЗҮ

Үйлдвэр, барилга байгууламж:

-Жилд 2 сая тонн хүчин чадалтай төмрийн хүдрийн нойтон баяжуулах үйлдвэрийг 2019 онд эхлүүлж 2021 оны 9 дүгээр сард туршилт тохируулга хийж үйлдвэрийг ашиглалтад оруулсан

-Бүтээгдэхүүний агуулах, ачих буулгах талбай

Алтан ширээт үйлдвэрлэл, технологийн паркийн төслийг хэрэгжүүлэх урьдчилсан төлөвлөгөө, төслийн үзүүлэлтүүд:

НИЙГЭМ, ЭДИЙН ЗАСГИЙН АЧ ХОЛБОГДОЛ

-Төсөл хэрэгжсэнээр зах зээлд өрсөлдөх чадвартай, нэмүү өртөг шингэсэн, шинэ төрлийн экспортын бүтээгдэхүүний үйлдвэрлэл хөгжинө.

-Төмрийн хүдрээ дотооддоо боловсруулдаг болж, түүхийгээр экспортлох хэмжээ буурч, дагалдах үйлдвэрүүд хөгжинө.

-Шинэ төрлийн мэргэжилтэй боловсон хүчин бий болж, орчин үеийн техник, технологийг нутагшуулна.

-Улс орон, нутагт орох татварын орлого нэмэгдэнэ.

Эх сурвалж: Уул уурхай, хүнд үйлдвэрийн яам