Хятад улс Монгол Улстай боомтын хил холболт, ашигт малтмал, дэд бүтцийн салбарт хамтран ажиллана

Хятад улс Монгол Улстай боомтын хил холболт, ашигт малтмал, дэд бүтцийн чиглэлээр хамтын ажиллагаагаа бэхжүүлэхэд бэлэн байна гэж Хятадын Синьхуа агентлаг мэдээллээ.

БНХАУ-ын Төрийн зөвлөлийн Ерөнхий сайд Ли Цян Монгол Улсын Ерөнхий сайд Л.Оюун-Эрдэнэтэй уулзахдаа, Хятад улс Монголд хөрөнгө оруулалт хийхдээ “Тодорхой шаардлага хангасан компаниуд”-ыг дэмжинэ гэж мэдэгдээд, Хятадын компаниудад тогтвортой, эерэг бизнесийн орчин бий болно гэж найдаж байгаагаа илэрхийллээ.

Сонирхуулахад, Монгол Улсын Ерөнхий сайд Л.Оюун-Эрдэнэ БНХАУ-д ажлын айлчлал хийж байгаа бөгөөд айлчлалын хүрээнд БНХАУ-ын Төрийн зөвлөлийн Ерөнхий сайд Ли Цянтай өчигдөр Шанхай хотноо албан ёсны уулзалт хийсэн юм. 

Эх сурвалж: mining.com