2024 оны 11-р сарын 5, Торонто, Канад – Канадын хайгуулч, олборлогчдын холбоо (PDAC) 2025 оны PDAC шагналын эздийг зарлалаа. PDAC шагналыг  анх 1977 онд олгож эхэлсэн бөгөөд дэлхийн уул уурхайн салбарт онцгой хувь нэмэр оруулсан хувь хүн, баг, аж ахуйн нэгжүүд уг шагналыг хүртдэг.

“2025 оны шагналын эзэд бол ашигт малтмалын хайгуул, бүтээн байгуулалтын салбар дахь ур чадвар, хүсэл тэмүүлэл, идэвх зүтгэлээ дээд зэргээр гаргасны тод жишээ юм" гэж PDAC-ийн ерөнхийлөгч Рэймонд Голди хэлэв. "Тэдний гаргасан амжилтууд нь ашигт малтмалыг илрүүлэхэд инноваци, авхаалж самбаа, манлайлал ямар чухал байдгийг харуулсан" гэжээ.

Шагнал гардуулах ёслол 2025 оны 3-р сарын 4-нд Торонто дахь "Fairmont Royal York" зочид буудалд "PDAC 2025" конвенцийн үеэр болно.

2025 оны PDAC шагналын эзэд

Билл Деннисийн шагнал: Канадад ашигт малтмалын орд нээсэн

Канадын” Malartic” хайгуулын баг – Канадын Квебек мужийн Малартик дахь Зүүн “Gouldie” ордыг илрүүлсэн

Skookum Jim шагнал: Ашигт малтмалын салбарт уугуул иргэдийн оруулсан хувь нэмэр

Дэвид Критердлик – Инуит омгийнхны үнэт зүйл, соёл, тогтвортой хөгжлийг сурталчлахад хувь нэмэр оруулсан

Тогтвортой байдлын шагнал: Байгаль орчныг хамгаалах, орон нутгийн иргэдтэй харилцаагаа сайжруулахад оруулсан хувь нэмэр

Teck Resources ба НҮБ-ын Эмэгтэйчүүд: Originarias хөтөлбөр - Чилийн уугуул эмэгтэйчүүдэд чухал нөлөөлөл үзүүлсэн

“Thayer Lindsley” шагнал: Дэлхийд ашигт малтмалын ордыг нээсэн

“Onto” хайгуулын баг - Индонезийн Onto ордыг илрүүлсэн

Виола Р.Макмилланы шагнал: Компани, уурхайн бүтээн байгуулалт

Жон Робинс – Уул уурхай, хайгуулын салбарт томоохон хувь нэмэр оруулсан

Шагнал олгох журам

PDAC-ийн Удирдах зөвлөл нь тус холбооны Шагналын хорооны зөвлөмж дээр үндэслэн шагналын болзлыг хангасан хувь хүн, байгууллагыг сонгоно.

Шагнал гардуулах “Gala & Nite Cap” арга хэмжээ

Тасалбарыг 12-р сард PDAC вэбсайт дээр борлуулна

PDAC-ийн тухай товчхон

PDAC бол ашигт малтмалын хайгуул, олборлолтын салбарын дуу хоолой юм. Уг салбарт 664,000 гаруй хүн ажилладаг бөгөөд 2021 онд Канадын ДНБ-д 132 тэрбум долларын орлого оруулсан аж.

PDAC нь өрсөлдөх чадвартай, хариуцлагатай, тогтвортой ашигт малтмалын салбарыг дэмжихийг зорьдог, 7800 гаруй гишүүнтэй байгууллага. PDAC 2025 чуулга уулзалт 3-р сарын 2-5-ны хооронд Канадын Торонто хотод 93 дахь жилдээ зохион байгуулагдана.

Дэлгэрэнгүй мэдээллийг pdac.ca сайтаас авна уу.

Хэвлэл мэдээллийн төлөөлөгч

Скотт Барбер

Харилцаа холбооны ахлах менежер, sbarber@pdac.ca

416-362-1969 x 244

800-170 University Ave. Торонто хот, ON M5H 3B3 Канад улс