“Степ голд” компанийн 2024 оны санхүүгийн үзүүлэлтүүд

УЛААНБААТАР, Монгол улс, 2025 оны 3-р сарын 31 — Степ Голд ХХК 2024 оны санхүүгийн тайлангаа танилцууллаа.

“Степ Голд” компанийн ТУЗ-ийн дарга бөгөөд Гүйцэтгэх захирал Т.Батаа “2024 он бол “Степ Голд” компанийн хувьд өөрчлөлт, өсөлтийн жил байлаа. Манай хамт олон амжилттай ажилласны үр дүнд бүтэн жилийн хугацаанд 88,347 унц алт, 93,837 унц мөнгө олборлож, түүхэн дээд амжилт тогтоосон гэдгийг дуулгахад таатай байна. Бороо Голдын баг нь Бороо Голд болон Алтан цагаан овоо уурхайн үндсэн үйл ажиллагааг хариуцан ажиллаж байгаа. Бид урсгал зардлаа эрс бууруулж, удирдлагын бүтцээ сайжруулсан. 2025 онд бид өр зээлээ багасгаж, олборлолтын хүчин чадлаа нэмэгдүүлж, ашигтай ордуудаа хөгжүүлэх замаар үйлдвэрлэлээ өсгөхийг зорьж байна.” гэж хэллээ.

2024 ОНЫ ОНЦЛОХ ҮЙЛ ЯВДЛУУД:

Степ Голд групп 2024 оны 4-р улиралд нийт 17,567 унц алт борлуулж, 46.2 сая ам.долларын орлого олсон. 2024 онд тус групп нийт 78,450 унц алт борлуулж, 178.1 сая долларын орлого олсон.

2024 онд Бороо Голд болон Степ Голд компаниуд нийт 88,347 унц алт, 93,837 унц мөнгө тус тус олборлосон.

Бороо Голд компани 4-р улиралд 13,728 унц алт худалдаж 35.9 сая долларын орлого олсон бол 2024 онд нийт 70,842 унц алт борлуулж, 157.9 сая ам долларын орлого олсон байна.

Степ Голдын үзүүлэлтүүд:

• 2024 оны 4-р улирал: орлого - 10.2 сая ам доллар, борлуулсан хэмжээ - 3,839 унц алт
• 2024 оны 8-р сарын 1-12-р сарын 31-ний хооронд: орлого - 20.2 сая ам долларын, борлуулсан хэмжээ - 7,608 унц алт
• Группийн нийт зардал: 4-р улиралд - 1.3 сая доллар; 2024 онд - 1.1 сая доллар
• Бороо Голд 4-р улиралд нэг унц алтыг дунджаар 2,618 доллараар борлуулсан бол 2024 онд нэг унц алтыг дунджаар 2,225 доллараар борлуулсан.
• Степ Голд 4-р улиралд нэг унц алтыг дунджаар 2,676 доллараар борлуулсан бол 8-р сарын 1-12-р сарын 31-ний хооронд нэг унц алтыг дунджаар 2,589 доллараар борлуулсан байна.
• Степ Голд групп 2024 оны 12-р сарын 31-ний байдлаар 151 сая ам.долларын эерэг эргэлтийн хөрөнгөтэй байсан. Эргэлтийн хөрөнгөд 8-13.4%-ийн хүүтэй, 2025 оны 12-р сарын 31-нд дуусгаж төлөх ёстой 97 сая ам.долларын бондын  хөрөнгө орно. Бондын хөрөнгө болон хуримталсан хүүгийн орлогыг зээлээ төлөх, эргэлтийн хөрөнгөө нэмэгдүүлэхэд зарцуулна.
• 2024 оны 12-р сарын 31-ний байдлаар Группын цэвэр өр 150.1 сая ам.доллар болсон. Бороо Голд компанийг худалдан авсны дараа тус Групп үндсэн зээлдүүлэгч ХХБ-тай хамтран зээлийн нөхцөлөө шинэчилж, өндөр хүүтэй зээлүүдээ төлөхөөр ажиллаж байна.
• BORO бондын орлого орохоос өмнө Степ Голд групп 2024 онд татвар, хөрөнгө оруулалтын зардал, ногдол ашиг зэрэг зардалд нийт 10.7 сая доллар төлсөн.
• “Алтан цагаан овоо” уурхайн 2-р шатны өргөтгөлийн ажил шинэчлэгдсэн хуваарь, төсвийн дагуу үргэлжилж байна. Степ Голд групп нь инженерчлэл, худалдан авалт барилга угсралтын ажлын (EPC) болон инженерийн түнш байгууллагуудтай олборлолтын хүчин чадлыг нэмэгдүүлэх, металлургийн технологи сайжруулах арга замуудыг судалж байна. 2025 онд тус Групп алтны үнийн өсөлтийн нөлөөллийг тусгасан ТЭЗҮ-г шинэчлэн боловсруулж байгаа.
• Алтны үнэ өсөж, 2025 онд мөнгөн урсгал нэмэгдэх төлөвтэй байгаа тул Степ Голд групп 2-р шатны өргөтгөлийг санхүүжүүлэх хувилбаруудаа судалж байна.
• Тус компани Tres Cruces төслийг Бороо Сингапурт 11.7 сая канад доллараар худалдсан бөгөөд төлбөрөө 2024 оны 8-р сарын 1-ээс эхлэн 18 сарын хугацаанд 4 хувааж авахаар болсон. Энэ мөнгийг 2025 оны 2-р сарын 17-ны өдөр Triple Flag Gold-аас авсан зээлийг хэсэгчлэн төлөхөд зарцуулсан.

Степ Голд группийн хэтийн төлөв:

Бороо голд компанийг худалдаж авсан нь Степ Голд группийн хувьд чухал алхам болсон. Энэхүү алхам нь тус компанийг Монголд төвлөрсөн, ихээхэн нөөц хөрөнгөтэй уул уурхайн групп болох замыг нээж өгч, цаашид хөгжиж дэвшихэд нь шаардлагатай мөнгөн урсгалыг нэмэгдүүлсэн билээ.

Степ Голд групп ойрын хугацаанд олборлолт, мөнгөн урсгалаа нэмэгдүүлэх, 2-р шатны өргөтгөлийн ажлаа эрчимжүүлэх, санхүүжилтийн бусад хувилбаруудыг судлахад анхаарлаа хандуулж байна. Тус групп нь өөрийн орд болон ойролцоох талбайд хайгуул судалгаа хийж, бусад ордуудыг нэмж худалдан авч нөөц хөрөнгөө арвижуулах төлөвлөгөөтэй байна.

2025 оны 3-р сарын 31-ний өдөр Triple Flag Precious Metals Corp компани Онтариогийн Дээд Шүүхэд нэхэмжлэл гаргаж, хариуцагчаар Степ Голд-ыг татсан. Хохирлоо барагдуулахын тулд Triple Flag нь хариуцагчаас 1,650 унци цэвэршүүлсэн алт өгөх эсвэл 5 сая орчим доллар төлөхийг шаардсан. Шүүх хурлын үр дүн хараахан тодорхой болоогүй байна.

Компанийн 2024 оны нэгдсэн санхүүгийн тайланг SEDAR+ дээр байршуулсан. Жилийн нэгдсэн санхүүгийн тайлан, группийн удирдлагын холбогдох хэлэлцүүлэг, дүн шинжилгээг Компанийн www.steppegold.com вэб сайтаас эсвэл SEDAR+ цахим хуудасны www.sedarplus.ca хуудаснаас үзэх боломжтой.