Мэдээ
Японы нүүрсний хэрэглээ өсчээ
Нүүрсний томоохон хэрэглэгч Япон улсын нүүрсний хэрэглээ энэ оны 10 дугаар сард өнгөрсөн оны мөн үеийнхээс 26 хувиар өссөн байна.
“Сумитомо Мицуй” банкны нээлт боллоо
Японы Sumitomo Mitsui Banking Corporation-ийн Улаанбаатар дахь Төлөөлөгчийн газрын нээлт өчигдөр боллоо. SMBC өнгөрсөн наймдугаар сард Монголбанкнаас Төлөөлөгчийн газар нээх зөвшөөрлөө авсан юм. Sumitomo Mitsui Banking Corporation дэлхийн хамгийн том 20 банкны нэг бөгөөд дэлхийн 20 орчим улсад салбартай аж.
Уул уурхайн компаниудын татвар нэмэгджээ
Ашигт малтмалын ашиглалтын тусгай зөвшөөрөл эзэмшигч компаниудын төлсөн татварын хэмжээ нэмэгджээ. Татварын ерөнхий газрын мэдээгээр энэ оны эхний 10 сарын байдлаар ашиглалтын тусгай зөвшөөрөл эзэмшигч компаниуд 771 тэрбум төгрөгийн татвар төлсөн байна.
Хятад төмөр замын хөрөнгө оруулалтаа нэмэгдүүлэв
Хятадын төрийн өмчийн төмөр замын компани “China Railway” энэ жил шинэ төмөр замын төслийн хөрөнгө оруулалтаа 471 тэрбум юань буюу 77 тэрбум ам.доллар болгож нэмэгдүүлээд байна. Ингэснээр энэ жил 38 төслийн барилгын ажил эхлүүлэх байсан нь 47 болж нэмэгджээ.
Хоёр сая тонн нүүрс экспортолжээ
Үндэсний статистикийн хорооны мэдээгээр энэ оны эхний 10 сард 13,4 сая тонн чулуун нүүрс экспортолсон байна. Экспортын үнийн дүн нь 878,8 сая доллар болжээ. Энэ нь өнгөрсөн оны мөн үеийнхээс хэмжээний хувьд 18 хувь, үнийн дүн 45,5 хувиар буурсан үзүүлэлт юм.
УБТЗ-ын шинэчлэлийг түргэтгэхийг РЖД санал болгов
“Оросын төмөр зам” /РЖД/ компанийн Дэд ерөнхийлөгч Вадим Морозов өнгөрсөн долоо хоногт Монголд айлчилж, хоёр улсын хувь нийлүүлсэн “Улаанбаатар төмөр зам” /УБТЗ/ нийгэмлэгийн хуралд оролцсон билээ. Тус хурлын үеэр РЖД компани УБТЗ-ын шинэчлэлийн асуудлыг түргэтгэхийг санал болгосон юм.
“Петро Матад”-ын судалгаа энэ онд дуусна
Газрын тосны хайгуулын “Петро Матад” компани IV, V талбай дээр хоёр хэмжээст чичирхийллийн судалгааны ажлыг эхлүүлснээ лхагва гаригт мэдээлжээ. “Хэт” ХХК-тай хоёр хэмжээст чичирхийллийн судалгаа хийх гэрээг байгуулсан байна.
Зэсийн үнэ өсөх хандлагатай байна
Өнөөдрийн байдлаар Нью-Йоркийн бирж дээр зэсийн үнэ 0,5 хувиар нэмэгдэж, нэг фунт зэс 3.3735 ам.доллар болсон байна. Харин Лондоны металын бирж дээр нэг тонн зэсийн гурван сарын гэрээт үнэ 0,4 хувиар өсч, 7193 ам.доллар болжээ.
Оросын нүүрсний экспорт нэмэгджээ
Оны эхний арван сарын байдлаар ОХУ-ын нүүрсний олборлолт 287,09 сая тоннд хүрч, өнгөрсөн оны мөн үетэй харьцуулбал 1,4 хувиар буурсан байна. Гэсэн ч экспортын хувьд 12,6 хувиар өсч, 117,83 сая тоннд хүрчээ.
ГШХО буурсан хэвээр байна
Монголбанкны энэ оны эхний есөн сарын төлбөрийн тэнцлийн гүйцэтгэл гарсан байна. Энэ оны эхний есөн сард нэг тэрбум 952 сая ам.долларын гадаадын шууд хөрөнгө оруулалт Монгол улсад оржээ.
“Би уурхайчин” уралдааны дүн гарна
Эрдэс баялгийн салбарын хүнд бэрхийг нуруундаа үүрч яваа хөдөлмөрч хамт олны тухай өгүүлэх “Би уурхайчин” сэдэвт гэрэл зургийн уралдаанд 200 орчим бүтээл ирээд байна. Энэхүү уралдаанд оролцогчид нь геологи, уул уурхайн салбарынхан өөрсдөө юм.
“Шивээ-Овоо”, “Багануур”-ын хувьцааг шилжүүллээ
Монголын Хөрөнгийн биржид бүртгэлтэй “Шивээ-Овоо” ХК, “Багануур” ХК-ийн төрийн мэдлийн хувьцааг “Эрдэнэс МГЛ” компанид өчигдөр шилжүүлжээ. “Эрдэнэс МГЛ” компани нь уул уурхайн компаниудад Монгол улсын төрийн эзэмшлийг хэрэгжүүлэх зорилгоор байгуулагдсан.
